Search This Blog

Monday, December 05, 2011

சென்னை டு பெங்களூரு டிக்கெட் கட்டணம் 1,900 ரூபாய்

 
சென்னையிலிருந்து பெங்களூரு செல்வதற்கு ஒரு தனியார் பஸ் நிறுவனம் கூறிய தொகையைக் கேட்டால் மிரண்டு போவோம் .பெங்களூரு டிக்கெட் கட்டணம் 1,900 ரூபாய். அப்படி என்ன தான் அதில் விசேஷம் என்பதை 'ப்ளூ ஹில்ஸ் லாஜிஸ்டிக்ஸ்’ நிறுவன மேலாளர் பிரசாந்த் குமார் சொல்கிறார்.
 
''அல்ட்ரா ப்ரீயம் ஆக்ஸில் கொண்ட வால்வோ மற்றும் மெர்சிடீஸ் பென்ஸ் சேஸியில்தான் எங்கள் பேருந்துகள் உருவாக்கப்பட்டுள்ளன. 1.8 கோடி ரூபாய் செலவில் டிசைனர் திலீப் சாப்ரியாவின் புனே ஸ்டுடியோவில் ஒவ்வொரு பஸ்ஸையும் உருவாக்கினோம்''. ''ஒரு பேருந்தில் மொத்தம் 21 இருக்கைகள்தான். ஒவ்வொரு இருக்கையையும் 140 டிகிரி வரைக்கும் சாய்த்துக் கொள்ளலாம். அனைத்துமே பட்டன் சிஸ்டம்ஸ்தான். ஒவ்வொரு சீட்டுக்கும் முன்னால் பிளாஸ்மா ஸ்கிரீன் இருக்கின்றன. இதில் டிவிடி ப்ளேயர் மூலம் சினிமாவும் பார்க்கலாம்; டிவி சேனல்களையும் பார்க்கலாம். சேட்டிலைட் கனெக்ஷனும் உண்டு.சென்னையில் இருந்து பெங்களூருவுக்குச் செல்ல அதிகபட்சம் ஆறு மணி நேரம் ஆகும். பயணத்தின்போது பயணிகளுக்கு பேருந்துக்குள்ளேயே உணவு வழங்குகிறோம். விமானத்தில் பணிப் பெண்கள் இருப்பது போல, இங்கேயும் பணிப் பெண்கள் உண்டு. பேருந்தில் இரண்டு மைக்ரோவ் ஓவன் மற்றும் ஃபிரிஜ் இருப்பதால், பயணிகள் கேட்பதைக் கொடுக்க முடியும். பேருந்தில் பாத் ரூம் வசதியும் உண்டு. ஒவ்வொரு இருக்கைக்கு முன்னால் லேப் டாப் வைக்க வசதி செய்யப்பட்டுள்ளது. பேருந்து முழுக்க 'வை-ஃபை’ கனெக்ஷன் இருப்பதால், இன்டர்நெட்டும் பயன்படுத்திக் கொள்ள முடியும்.
 
 
தற்போது முதல் கட்டமாக சென்னை - பெங்களூருவுக்கு எட்டு பேருந்துகள் இயங்குகின்றன. அடுத்து, 2012-ம் ஆண்டுக்குள் 120 பேருந்துகளாகிவிடும்.டெல்லி, ஜெய்ப்பூர், ஆக்ரா, சண்டிகர், அமிர்தசரஸ், சிம்லா போன்ற இந்தியாவின் முக்கிய நகரங்களுக்கும் இயக்கலாம் என்பது திட்டம். அதேபோல் ஒவ்வொரு முக்கிய நகரங்களிலும் எங்கள் பேருந்துகளுக்கு 'லாஞ்ச்’ அமைத்துக் கொண்டு இருக்கிறோம். பெங்களூருவில் ஏற்கெனவே லாஞ்ச் இருக்கிறது. தற்போது, சென்னையில் 50 லட்ச ரூபாய் செலவில் அமைத்து வருகிறோம்'' என்றார். 
 
 
விகடன் 


2 comments:

  1. யார் சொன்னது இந்தியா ஏழை நாடு என்று?
    அருமை.

    ReplyDelete